Evangelium Secundum Marcum*
Caput 15: Versus 14
Pilatus vero.Multas occasiones dedit Pilatus liberandi Salvatorem, primo justo conferens latronem, deinde inferens:Quid ergo vultis faciam regi Judaeorum?Cumque respondissent:Crucifigatur,non statim acquievit, sed secundum suggestionem uxoris quae mandaverat ei (ut Matthaeus dicit):Nihil tibi et justo illi[Matth. 27.], respondens ait:Quid enim mali fecit?Quod dicendo, Jesum absolvit.At illi magis,etc. David:Circumdederunt me canes multi[Psal. 21.], etc. Isaias:Exspectavi ut faceret judicium, et ecce iniquitas: et justitiam, et ecce clamor[Isa. 5.]. Jeremias:Facta est haereditas mea mihi sicut leo in silva: dedit contra me vocem[Jer. 12.].